ग्रिसमा कार्गो बिमान दुर्घटना हुँदा ८ जनाको ज्यान गुम्यो

ग्रिसमा एउटा कार्गो जहाज दुर्घटना हुँदा पाइलटसहित ८ जनाको मृत्यु भएको छ।

सर्वियाबाट जोर्डनतर्फ गइरहेको एएन-१२ जहाज शनिबार साँझ उत्तरी ग्रिसको एउटा गाउँमा दुर्घटनामा पर्दा ८ जनाको ज्यान गुमेको अन्तर्राष्ट्रिय सञ्चारमाध्यमहरुले जनाएका छन्।

जहाजको इन्जिनमा समस्या देखिएपछि पाइलटले आपतकालीन अवतरणका लागि खबर गरे पनि सम्पर्क टुटेको सञ्चारमाध्यमहरुले उल्लेख गरेका छन्।

हतियारसहित संवेदनशील सामग्री बोकेको उक्त जहाज सम्पर्क टुटेको केही बेरमै दुर्घटनामा परेको थियो।