दाङको लमहीस्थित विद्युत सबस्टेसनमा आगलागी, विद्युत आपूर्ति अवरुद्ध

दाङ– दाङको लमहीस्थित नेपाल विद्युत प्राधिकरणको १३२ केभी सबस्टेसनमा आगलागी भएको छ। आगलागी भएसँगै विद्युत आपूर्ति अवरुद्ध भएको छ।

विद्युत सर्ट हुँदा आगलागी भएको प्रारम्भिक अनुमान गरिएको छ। दिउँसो करिब २ बजेतिर आगलागी सुरु भएकोमा नियन्त्रणमा आउन सकेको छैन।

वडा प्रहरी कार्यालय लमहीका प्रमुख रोषणराज पाण्डेले आगो नियन्त्रणमा लिने प्रयास भइरहेको जानकारी दिए। घटनास्थलमा सुरक्षाकर्मी तथा सम्बन्धित निकायको टोली परिचालन गरी आगो नियन्त्रणको प्रयास जारी रहेको छ।