अ
+
अ
अ
-
दाङ- फागुन २१ गते हुने प्रतिनिधि सभा सदस्यको निर्वाचनलाई लक्षित गरेर राप्ती स्वास्थ्य विज्ञान प्रतिष्ठानले निर्वाचन अवधिभर प्रतिष्ठानको इमरजेन्सी सेवामा पदाधिकारीहरूको प्रत्यक्ष निगरानी बढाउने भएका छन् ।
प्रतिष्ठानका निमित्त उपकुलपति तथा रजिस्ट्रार प्रा. श्याम लम्सालले अस्पतालका निमित्त निर्देशक प्राडा. जनार्दन पन्थीको नियमित अवलोकनसहित निर्देशन रहने र उपचारको टास्क फोर्स सहनिर्देशक डा. सुरेश रसाइलीको नेतृत्वमा रहने जानकारी दिए ।
निर्वाचन अवधिभरलाई लक्षित गरेर नर्सिङ तथा स्वास्थ्यकर्मी संख्या थप गरिएको, विशेषज्ञ चिकित्सक २४ घण्टा उपलब्ध रहने र एम्बुलेन्स सेवा पनि २४ घण्टा उपलब्ध हुने निमित्त उपकुलपति प्रा. लम्सालले बताए ।
