अ
+
अ
अ
-
काठमाडौँ – खेमलाल–हरिकला लामिछाने प्रतिष्ठानले पद्मश्री साहित्य पुरस्कार–२०८० का लागि पाँच वटा उत्कृष्ट पुस्तकको सूची सार्वजनिक गरेको छ।
प्रतिष्ठानले पहिलो चरणमा छनौटमा परेका विस्तारित सूची (लङ्ग लिस्ट) का १५ पुस्तकमध्येबाट उत्कृष्ट पाँच पुस्तक छनौट गरेको हो।
कृष्ण गौतमको उपन्यास ‘अद्वैत’, सानु शर्माको कथा संग्रह ‘अर्को देशमा’, रोशन शेरचनको निबन्ध संग्रह ‘गल्ली संसार’, कुमार नगरकोटीको संस्मरण ‘जोगियाना’ र गोविन्द प्रसाद कुसुमको उपन्यास ‘भृकुटी’ उत्कृष्ट पाँचमा छनौट भएको प्रतिष्ठानका अध्यक्ष जीवा लामिछानेले जानकारी दिए।
यी पाँच पुस्तकमध्येबाट एउटाले २०८० को पद्मश्री साहित्य पुरस्कार पाउने छ। प्रतिष्ठानले वि.सं. २०६३ देखि नेपाली साहित्यमा वर्षभरि प्रकाशित पुस्तकहरुमध्ये उत्कृष्ट पुस्तकलाई पद्मश्री साहित्य पुरस्कार प्रदान गर्दै आएको छ।
