काठमाडौं- भुटानको थिम्पुमा सम्पन्न भएको साउथ एशियन कराते च्याम्पियनसिपमा स्वर्ण पदक विजेता आशिष श्रेष्ठलाई लिटल एन्जल्स कलेज अफ म्यानेजमेन्टले सम्मान गरेको छ। आठौं दक्षिण एसियाली कराते च्याम्पियनसिपमा श्रेष्ठले स्वर्ण पदक जितेका थिए।
१८ वर्षीय श्रेष्ठले २१ वर्षमुनिको ८४ केजी तौल समूहमा भारतका शुभाकान्त विस्वाललाई पराजित गर्दै स्वर्ण जितेका थिए।
विगत १० वर्षदेखि कराते खेल्दै आएका श्रेष्ठलाई कलेजले थप सफलताको शुभकामनासहित सम्मान गरको हो।
उनी लिटल एन्जल्स कलेज अफ म्यानेजमेन्टमा बिबिआइएस (ब्याचलर अफ बिजनेस इन्फरमेशन सिस्टम) मा प्रथम वर्षमा अध्यनरत रहेका छन्।
उक्त प्रतियोगितामा नेपाल ३१ स्वर्ण २० रजत र ११ कास्यसहित कुल ६२ पदकसहित टिम प्रथम भएको थियो। त्यस्तै, भारत २७ स्वर्ण २० रजत र १३ कास्यसहित दोस्रो हुँदा श्रीलंका ५ स्वर्ण १८ रजत र ३१ कास्यसहित तेस्रो भएको थियो। आयोजक भुटानले भने ५ रजत र ३७ कास्य पदक सहित चौंथो स्थानमा चित बुझाएको थियो।
