सिमकोट – नेपाल र चीनको सिमावती क्षेत्र हिल्सा नाकामा चिनियाँ ग्राहकलाई लक्षित गरेर नयाँ होटेल सञ्चालनमा आउको छ । हिल्सामा चिनियाँहरु आए पनि थकाली भान्सा घरको परिकार पाइने होटेलहरु सञ्चालन नभएको सन्दर्भमा हुम्लाका होटेल व्यवसायी मिलेर उक्त होटेल सञ्चालनमा ल्याएका हुन् ।
हिल्साबाट मानसरोवर कैलाशको यात्रा गर्ने भारतीय धार्मिक पर्यटकहरुको आगमन हुने र चिनियाँहरुलाई नेपाली थकाली भान्सा घरको स्वाद चखाउनका लागि हुम्ला रिसोर्ट एण्ड स्पको निर्माण गरिएको होटेल संचालन जंग लामाले बताए ।
सेप्टेम्बरपछि हिल्सा नाका हिमपातको कारण बन्द हुने भएपनि हिल्सामा नेपाली परिकारसहित होटेललाई सञ्चालनमा ल्याई राख्ने र होटेलमा नितान्त नेपाली परिकार मात्र राखिने सञ्चालकले बताएका छन् ।
अहिले हिल्साका अधिकांश होटेलहरुमा चिनियाँ खाद्य सामग्रीबाट उतैका परिकार बनेर बिक्री भै रहेको छन् ।
