काठमाडौँ– एन आई सी एशिया क्यापिटल लिमिटेडको दोश्रो वार्षिक साधारण सभा शक्रुबार सम्पन्न भएको छ । काठमाडौँमा भएको सभाले साधारण प्रस्ताव अन्र्तगत आर्थिक वर्ष २०७४/०७५ को सञ्चालक समितिको प्रतिवेदन पास गर्नुका साथै असार मसान्तसम्मको वासलात, नाफा नोक्सान हिसाव तथा नगद प्रवाह विवरण लगायतका वार्षिक वित्तीय विवरण स्वीकृत गरेको छ ।
सभाले संचालक समितिले प्रस्ताव गरे बमोजिम चुक्ता पूँजीको ७.३६८४२ प्रतिशतका दरले हुन आउने करसहित एक करोड सड्चालिस लाख छत्तिस हजार आठ सय बयालिस रुपैयाँ एघार पैसा नगद लाभाँश वितरण गर्ने प्रस्ताव समेत पारित गरेको छ ।
एन आई सी एशिया क्यापिटल लिमिटेडका सेवालाई अझै प्रभाकारी बनाउँदै लाने पनि प्रतिबद्धता गरेको छ ।
निष्काशन तथा विक्रीप्रबन्धक सँगै एन आई सी एशिया क्यापिटलले पूँजी बजारमा लगानीकर्ताहरु माझ लोकप्रिय बन्दै गएको लगानी व्यवस्थापन (पोर्टफोलियो म्यानेजमेन्ट), म्युचुअल फण्ड, एक लाख तीस हजार भन्दा अधिक डीम्याट (डीपी) सेवाग्राही तथा ५ वटा कम्पनीको शेयर रजिष्ट्रार सेवा प्रदान गर्दै आइरहेको छ । एन आई सी एशिया क्यापिटल लिमिटेडले लगानी परामर्श सेवा समेत ल्याएको छ ।
