ओमानका यी चार कार्यालयमा कार्यरत नेपाली घरेलु कामदारमा नपर्ने

काठमाडौँ– श्रम, रोजगार तथा सामाजिक सुरक्षा मन्त्रालयले ओमानका चारवटा सरकारी कार्यालयमा कार्यरत नेपालीलाई घरेलुकामदारको सूचिबाट हटाएको छ ।

ओमानको रोयल कोर्ट अफियर्स, रोयल कोर्ट अफ दिवान, रोयल गार्ड अफ ओमान र मस्कट नगरपालिकामा कार्यरत नेपालीलाई घरेलु कामदारको सूचिबाट हटाइएको हो ।

ओमानस्थित नेपाली दूतावासको सिफारिसमा श्रममन्त्री गोकर्ण विष्टले यो निर्णय गरेका हुन् । निर्णयभएसँग अब यी कार्यालयमा कार्यरत नेपाली सहजै नेपाल फर्किन र फेरि काममा जान पाउने छन् । यी सबै सरकारी कार्यालय हुन् ।

यसअघि यी कार्यालयमा कार्यरत कामदारलाई पनि घरेलु कामदारको सूचिमा राखिएको थियो । उनीहरु नेपाल फर्किएर फेरि जान पाएका थिएनन् ।