आफैले जन्माएको शिशुको हत्या आरोपमा एक महिला पक्राउ

नेपालगञ्ज – बाँकेमा आफैले जन्माएको नवजात शिशुको हत्या अरोपमा प्रहरीले एक महिलालाई पक्राउ गरेको छ । प्रहरीले आफैले जन्माएको शिशुको हत्या आरोपमा ३९ वर्षकी महिलालाई पक्राउ गरेको छ ।

घर नजिकैको खोल्सामा शिशुको हत्या गरी फालेपछि गाउँलेले प्रहरीलाई खबर गरेका थिए । त्यसपछि प्रहरीले हत्या आरोपमा ती महिलालाई पक्राउ गरेको हो ।

महिलाले आफूले शिशुको हत्या गरेको स्वीकार गरेको प्रहरीले जनाएको छ। घटनाको सम्बन्धमा थप अनुसन्धान भइरहेको बाँके प्रहरीले जनाएको छ ।