काठमाडौं- नेपाल थाइल्यान्डमा जारी एसिसी यु–१६ इस्टर्न रिजन च्याम्पियनसिपको फाइनलमा पुगेको छ । आज भएको सेमिफाइनलमा नेपालले मलेसियालाई ७२ रनले हरायो ।
नेपालले निर्धारित ३४ ओभरमा आठ विकेट गुमाएर एक सय २७ रन जोडेको थियो । नेपालको पालीमा प्रतिश जिसीले २५, सुनिल भन्डारी र नारायण जोशीले १७÷१७ , विशाल विक्रम केसीले १५ तथा राजन मगर र रित गौतमले ११÷११ रन जोडे । तृतराज दासले पनि १३ रन बनाए ।
एक सय २८ रनको लक्ष्य पछ्याएको मलेसिया २१.१ ओभरमा ५५ रनमा समेटियो । मलेसियालाई सस्तोमा समेट्न नेपालका सुर्य तामांगले चार र प्रतिश जिसीले तीन विकेट लिए । नारायण जोशी र कुशल मल्ल्ले पनि एक एक विकेट लिए ।
एक रनको अन्तरमा तीन विकेट झरेपछि मलेसिया संकटमा परेको हो । मलेसियाले नौ ओभरमा चार विकेट गुमाएर २६ रन जोडेको छ । त्यसअघि २४ रन जोड्दा केवल एक विकेट गुमाएको मलेसिया २५÷४ को स्थितीमा पुगेको थियो । नेपालका बलर प्रतिस जिसीले दुई र सुर्य तामांगले एक विकेट लिए ।
नेपालले फाइनलमा सिंगापुरको सामना गर्ने छ । शनिबार भएको अर्को सेमिफाइनलमा सिंगापुरले हंगकंगलाई आठ विकेटले हरायो ।
