अ
+
अ
अ
-
धनगढी- प्रधानमन्त्री शेरबहादुर देउवा बसेको धनगढीस्थित होटल डिभोटी नजिकै बम फेला परेको छ।धनगढी उपमहानगरपालिका वडा नम्वर ५ तारानगर पुलनजिकै सोमबार बिहान बम फेला परेको हो।
करिब बिहान ७ बजेतिर प्रहरीको पेट्रोलिङ टोलीले बम फेला पारेको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक वीरबहादुर बुढामगरले जानकारी दिए। उनका अनुसार टिफिन डब्बामा राखिएको टाइमबमलाई सेनाको टोलीले बिहान ९ बजेतिर निस्क्रिय पारेको थियो।
जिल्ला प्रहरी कार्यालय कैलालीले प्रधानमन्त्री देउवा बसेको होटल नजिकै बम फेला पारेपछि धनगढीमा सुरक्षा व्यवस्था कडा पारेको छ। तीन दिनदेखि धनगढीमा रहेका प्रधानमन्त्री देउवाको सोमबार डडेलधुरा जाने कार्यक्रम छ।
यो पनि हेर्नुहोस्:
