संसदमा प्रधानमन्त्रीको जवाफ हराएपछि…

शुक्रबार प्रधानमन्त्री पुष्पकमल दाहाल ‘प्रचण्ड’ले सांसदहरुसँगको प्रश्नोत्तरलाई निरन्तरता दिए। प्रतिनिधिसभा नियमावलीअनुसार प्रधानमन्त्रीले प्रत्येक महिनाको पहिलो हप्ताको कुनै दिन सांसदले प्रत्यक्ष सोधेका प्रश्नको उत्तर दिनुपर्ने व्यवस्था छ। अघिल्लो महिनाबाट सुरु भएको प्रत्यक्ष प्रश्नोत्तर असार महिनाका लागि शुक्रबार भयो।