काठमाडौं – मिर्गौला शरीरको अति महत्वपूर्ण अंग हो । यसले रगतमा भएको फोहोर र बढी भएको पानीलाई पिसाबको माध्यमबाट बाहिर निकाल्दछ ।
यसले रगतमा भएको खनिज र नुनलाई समेत सन्तुलनमा राख्दछ । तर कतिपय अवस्थामा विभिन्न कारणले गर्दा मिर्गौला खराब हुने गरेको चिकित्सक बताउँछन् ।
मिर्गौलामा खराबी हुनुका कारण
उच्च रक्तचाप ।
मधुमेहको समस्या ।
हृदयघात ।
वंशाणुगत समस्या ।
औषधिको जथाभावी सेवन ।
पिसाब नलीको समस्या ।
मिर्गौलामा पर्याप्त मात्रामा रगत नपुग्नु ।
लक्षण
पिसाब कम हुँदै जानु
हात खुट्टा सुन्निनु
छातीको दुखाई, रक्तचाप र हृदयाघात
बढी थकान महसुस हुनु
बेहोश हुनु
वान्ता गर्नु
फोक्सोमा पानी संचित हुन जानाले श्वासप्रश्वास मा असहजता हुनु
मिर्गौलाको खराबीबाट कसरी बच्ने ?
१) मिर्गौलाको समस्या हुनुलाई गम्भीर प्रकृतिको समस्या मान्नुपर्छ । यसको समस्याले मानिसको आर्थिक, सामाजिक, भौतिक रुपमा समेत असर पुग्दछ । मिर्गौलाको नियमित जाँच नगरेको कारणले कतिपय अवस्थामा मिर्गौला पूरा रुपमा काम गर्न खोज्दा मात्र थाहा हुने गर्छ । यस बारेमा समयमा नै सजग हुनु पदर्छ ।
२) मधुमेह, उच्च रक्तचाप नियन्त्रणमा राख्नुपदर्छ ।
३) चिकित्सकको सल्लाह बिना औषधि सेवन गर्नु हुँदैन ।
४) मोटोपनसकेसम्म घटाउनु राम्रो हुन्छ, पर्याप्त पानी पिउने गर्नु पर्छ ।
५) रक्सीको सेवन गर्नु हुँदैन ।
६) मिर्गौलाको समस्या छ भने चिकित्सकको सल्लाह अनुसार ठिक्क मात्र पानी पिउनु पर्छ ।
७) नियमित योग, ध्यान र प्राणायामको अभ्यास गरेर तनाव व्यवस्थापन गर्नु पर्छ
८) सन्तुलित एवं पोषण भएको भोजन लिनुपर्छ ।
