अ
+
अ
अ
-
मोरङ – भारतबाट भन्सार छलेर भित्र्याइएको ७ लाख रुपैयाँभन्दा बढीको लत्ताकपडा मोरङ प्रहरीले बरामद गरेको छ।
जिल्ला प्रहरी कार्यालय मोरङका सूचना अधिकारी प्रहरी नायब उपरीक्षक लिलाराज लामिछानेका अनुसार भन्सार छलेर भित्र्याइएको ७ लाख ३० हजार ५ सय रुपैयाँ बराबरको कपडा विराटनगर–६ सरौचियाबाट बरामद गरिएको हो।
प्रहरीले मंगलबार स्थानीय मुरी मण्डलको घरमा ८ वटा प्लाष्टिकको बोरामा प्याक गरी राखिएको अवस्थामा कपडा बरामद गरेको सूचना अधिकारी लामिछानेले जानकारी दिए।
बरामद गरिएको कपडामा बालबालिका र महिलाको कुर्ता सुरुवाललगायतका कपडा रहेको बताइएको छ। बरामद गरिएको कपडा आवश्यक कारबाहीका लागि भन्सार कार्यालय रानी, विराटनगरमा बुझाएको प्रहरीले जनाएको छ।
