अ
+
अ
अ
-
धनगढी– सुदूरपश्चिमका सात पहाडी जिल्लाका ८ वटा निर्वाचन क्षेत्रकाे मतगणना दिउँसाे १२ बजेपछि मात्र सुरु हुने भएकाे छ।
बाजुरा, बझाङ, दार्चुलामा अहिले टाढाका मतदान स्थलबाट मत ढुवानी गर्ने कार्य भइरहेकाे प्रदेश निर्वाचन अधिकारी प्रेमराज भट्टले जानकारी दिए। उनका अनुसार अन्य जिल्लामा अहिले सर्वदलीय बैठककाे तयारी भइरहेकाे छ।
साथै तराइका जिल्ला कैलाली र कञ्चनपुरका आठ निर्वाचन क्षेत्रमध्य कैलालीका दुई र कञ्चनपुरका तीन क्षेत्रमा मतगणना सुरु भइसकेकाे छ।
सुरु भएका यी ५ क्षेत्रमध्य कञ्चनपुरका तीन वटै क्षेत्रमा रास्वपाकाे अग्रता रहेकाे छ भने कैलाली १ मा नेपाली कांग्रेसले अग्रता लिएकाे छ।
कैलाली-५ मा भने भर्खर सुरु भएकाे छ। कैलालीका बाँकी तीन क्षेत्रमा १० बजेपछि मतगणनाकाे तयारी छ।
