अ
+
अ
अ
-
काठमाडौँ – सरकारले आगामी नयाँ शैक्षिक सत्रदेखि विद्यालय तथा उच्च शिक्षाका लागि सञ्चालन गरिने प्रवेश परीक्षा तयारी र ब्रिज कोर्सका कक्षाहरूमा पूर्ण प्रतिबन्ध लगाउने निर्णय गरेको छ।
शिक्षा, विज्ञान तथा प्रविधि मन्त्रालयले आइतबार विज्ञप्ति जारी गर्दै आगामी २०८३ साल वैशाख १ गतेदेखि यस्ता कार्यक्रमहरू बन्द गर्न निर्देशन दिएको हो।
प्रवेश परीक्षा तथा ब्रिज कोर्सका नाममा सञ्चालित कक्षाहरूले अभिभावकमाथि अनावश्यक आर्थिक बोझ थपेको र विद्यार्थीको मनोविज्ञानमा नकारात्मक असर पारेको भन्दै यस्ता कार्यक्रममा रोक लगाउने सरकारले निर्णय गरेको हो।
यदि कसैले निर्देशनविपरीत यस्ता कार्यक्रमहरू सञ्चालन गरेको पाइएमा प्रचलित कानुनबमोजिम कडा कारबाही गरिने मन्त्रालयले चेतावनी दिएको छ।
