- ‘मेगा सेल्स एण्ड एक्सचेन्ज क्याम्प’ चैत ११ देखि १४ गतेसम्म पोखरामा CG Motors को शोरुममा आयोजना हुनेछ।
- ग्राहकले इलेक्ट्रिक गाडी अनुभव गर्दै नगद छुट, फाइनान्स सुविधा र एक वर्षको बीमा जस्ता सुविधाहरू पाउनेछन्।
- अन्य आकर्षणमा वाल-माउन्ट होम चार्जरमा छुट, सडक दस्तुरमा छुट, र दैनिक लक्की ड्रको व्यवस्था समावेश छ।
काठमाडौं- काठमाडौंमा सम्पन्न ‘मेगा सेल्स एण्ड एक्सचेन्ज कार्निभल’ को भव्य सफलतापछि, नेपालका लागि AION र Xpeng विद्युतीय सवारी साधनको आधिकारिक वितरक CG Motors ले अब पोखरामा ‘मेगा सेल्स एण्ड एक्सचेन्ज क्याम्प’ आयोजना गर्ने घोषणा गरेको छ।
यो कार्यक्रम आगामी चैत ११ देखि १४ गतेसम्म पोखराको अर्चलबोटस्थित CG Motors को शोरुममा सञ्चालन हुनेछ। यस क्याम्पमार्फत ग्राहकहरूले विश्वप्रसिद्ध ब्रान्डका इलेक्ट्रिक गाडीहरू नजिकबाट अनुभव गर्ने र प्रिमियम EV स्वामित्वलाई थप सहज बनाउने अवसर प्राप्त गर्नेछन्।
यस एक्सचेन्ज क्याम्पमा सहभागी हुने ग्राहकहरूका लागि कम्पनीले विभिन्न आकर्षक सुविधाहरू सार्वजनिक गरेको छ। जसमा आकर्षक नगद छुट, तत्काल फाइनान्सको सुविधा (On-the-spot finance), एक वर्षको AutoPlus बीमा, र एक्सचेन्ज बोनस समावेश छन्।
यसका साथै, खरिदकर्ताहरूले वाल-माउन्ट होम चार्जर र चालु आर्थिक वर्षको सडक दस्तुर (Road Tax) मा पनि विशेष छुटको लाभ लिन सक्नेछन्। आगन्तुकहरूका लागि दैनिक लक्की ड्रको व्यवस्था समेत गरिएको छ।
CG Motors ले यस कार्यक्रमलाई पूर्ण रूपमा ग्राहक केन्द्रित बनाउने लक्ष्य राखेको छ, जहाँ टेस्ट ड्राइभको अवसर र सवारी अपग्रेडका लागि सहज सहयोग उपलब्ध हुनेछ।
विद्युतीय सवारीतर्फको यात्रालाई सरल र सुविधाजनक बनाउन डिजाइन गरिएको यस क्याम्पमा उपस्थित भई सीमित अवधिको अफरको फाइदा उठाउन कम्पनीले सम्पूर्ण इच्छुक ग्राहकहरूलाई निमन्त्रणा गरेको छ।
यो क्याम्पले पोखरेली ग्राहकहरूलाई भविष्यको दिगो यातायात प्रविधिसँग जोडिन महत्वपूर्ण भूमिका खेल्ने विश्वास लिइएको छ।
