- काभ्रेको पाँचखालका किसानहरूले आलु खन्ने क्रम जारी राखेका छन्, तर मूल्यको कमीले उनीहरू चिन्तित छन्।
- यसपालि आलुको मूल्य किलोको १२-१५ रुपैयाँमा झरेको छ, जसले गर्दा लगानी उठाउन कठीनाई भइरहेको छ।
- किसानहरूको माग सरकारको न्यूनतम मूल्य तोक्ने वा आलु खरीद गर्ने व्यवस्था गर्नुपर्ने छ, अन्यथा कठिनाई झेल्नुपर्छ।
काठमाडाैँ – काभ्रेको पाँचखालका किसानलाई अहिले आलु खन्न धमाधम छ। व्यापारी र उपभोक्ता आलु किन्न खेतबारीमै पुगिरहेका छन् ।
खेतबारीमै पुग्ने हो भने १२-१५ रुपैयाँ किलोले आलु पाइने गरेको छ । आलुले मूल्य नपाएपछि किसान चिन्तित छन्। आलुको मूल्य निकै खस्केकाले किसानको लागतसमेत उठ्न हम्मे–हम्मे भएको छ । आलुले किन भाउ पाएन भनेर किसानहरु पनि अनभिज्ञ छन् । लामो समयपछि आलुको भाउ यति धेरै घटेको उनीहरुको अनुभव छ ।
किसानहरुका अनुसार गत साल २५ रुपैयाँसम्म बिक्री भएको थियो किलोको । यसपालि १२ रुपैयाँसम्म झरेको छ । किसानहरु भन्छन्- लगानी उठ्दैन यसपालि। बिउ र खाजा-खेतालाको मात्र लगानी उठ्छ ।
सरकारले किसानलाई मर्का नपर्ने गरी न्यूनतम मूल्य तोक्नुपर्ने वा सरकारले नै किन्नुपर्ने किसानको भनाइ छ । उनीहरु भन्छन्- हामीले मूल्य पाएका छैनौं उपभोक्ताले महँगोमा किन्नुपर्छ। यो कुरामा बालेन सरकारले ध्यान देओस्। आलुमा मात्र होइन अरु कृषि उत्पादनको पनि यस्तै समस्या छ।
तस्बिर : बिजेन अमात्य/नेपाल फोटो लाइब्रेरी
