हुम्ला – शुक्रबार परेको हिमपातको चिसोले गर्दा भेडा मरेका छन्। खार्पुनाथ गाउँपालिका– २ को तिलाईला पाटनमा पालनका लागि राखिएका बेला गत शुक्रबार राती परेको हिमपातको चिसोको कारण ती भेडा मरेका हुन।
बाक्लो हिमपात र असिनाको चिसोको कारण राती नै बाह्र वटा भेडा उक्त खर्कमा पालनका लागि राखिएको बेला मरेको भेडा मालिक ढकाल रावलले बताए। तिलाईला पाटन चार हजार मिटर उचाईमा पर्छ। मरेका भेडा मध्य दश वटा भेडा जनक रावलका रहेको र दुई वटा आफ्ना मरेको उनले बताए बतए। चिसोले मरेका मध्य सात वटा भेटिएको र पाँच वटा अझै बेपत्ता अवस्थामा रहेका हुन।
हिपमताले चिसो भएपछि राती ने भेडाहरु तितरबितर भएपछि ओढारमा मरेको अवस्थामा भेटिएका थिए। जमिनमा एक फिट जमेको कारण बेपत्ता भएका भेडाहरु खोजी गर्न नसकिने अवस्था रहेको उहाँले बताउनुभयो। सो खर्कमा दुई परिवारका १८० भेडा पालनका लागि गत चैत १ गते लगिएका थिए।
