- वर्षाका कारण जनकपुरधाममा आयोजना हुने प्रधानमन्त्री कप क्रिकेट प्रतियोगिता प्रभावित भएको छ, उद्घाटन खेल पनि प्रभावित हुनेछ।
- खेल स्थगन वा सञ्चालनबारे अधिकारिक निर्णय प्राविधिक टिमले मात्र दिने जनाइएको छ।
- प्रतियोगितामा सात प्रदेश र तीन विभागीय टिमसहित जम्मा १० टिमले सहभागिता जनाएका छन्।
जनकपुरधाम- वर्षाका कारण मधेस प्रदेशको राजधानी जनकपुरधाममा सुरु हुने भनिएको एक दिवसीय प्रधानमन्त्री कप क्रिकेट प्रतियोगिता प्रभावित हुने भएको छ ।
शुक्रबार आएको हावाहुरी तथा वर्षाका कारण निर्माणाधिन रामजानकी बहुउदेश्यीय अन्तर्राष्ट्रिय रंगशाला हिलाम्मे भएपछि खेल प्रभावित हुने भएको हो ।
जनकपुरधाम खेलस्थलका निर्देशक शोभाकान्त पाण्डेका अनुसार उद्घाटन खेलको सम्पूर्ण तयारी पुरा भइसकेको अवस्थामा हिजो पानी आएपछि खेल मैदान प्रभावित भएको छ । उनले उद्घाटन खेल होस भनेर बिहानै देखि पानी निकाल्ने काम भइरहेको बताए । पाण्डेका अनुसार आज खुने भनिएको खेल नहुने अवस्थामा रहेको छ ।
प्रतियोगिताका संयोजक अकाश पाण्डेले शनिबारदेखि सुरु हुने भनिएको मधेस–कोसीबीच हुने उद्घाटन खेल वर्षाका कारण प्रभावित भएको जानकारी दिए ।
खेल प्रभावित हुनेरनहुने विषय अधिकारिक रुपमा प्राविधिक टिमले जानकारी दिने पाण्डेले बताए ।
यस पटकको प्रधानमन्त्री अपको अधिकांश खेल मधेस प्रदेशमा भइरहेको छ । मधेस प्रदेशको जनकपुरधाम र वीरगञ्ज तथा काठमाडौँमा केही खेल हुने तालिका रहेको छ ।
यस प्रतियोगितामा सातवटै प्रदेश टिम र तीनवटा विभागीय टिम गरी १० वटा टिम सहभागी छ ।
