- कुजु नेपालले ‘चैत्र मेगा एक्सचेन्ज कार्निभल’ नामक अभियान मार्फत विद्युतीय सवारी तर्फको रूपान्तरणलाई तीव्रता दिन चाहन्छ।
- ग्राहकहरूले याडिया ओविन र याडिया इ८एस प्रो मोडेलमा १५,००० रुपैयाँ एक्सचेन्ज बोनस पाउनेछन्।
- बढ्दो इन्धन मूल्य र सचेतनाका बीच यो अभियानले किफायती र वातावरणमैत्री यातायातमा ध्यान केन्द्रित गर्ने अपेक्षा छ।
काठमाडौँ- नेपालका लागि याडिया (Yadea) को आधिकारिक वितरक कुजु नेपाल प्रालिले “चैत्र मेगा एक्सचेन्ज कार्निभल” नामक नयाँ अभियान सार्वजनिक गरेको छ ।
काठमाडौंमा चैत्र ४, २०८२ मा घोषणा गरिएको यो विशेष मेला चैत्र ४ गतेदेखि सुरु भई चैत्र ११ गतेसम्म सञ्चालन हुनेछ । यो सीमित अवधिको योजनाले नेपालमा स्मार्ट इलेक्ट्रिक मोबिलिटी (विद्युतीय सवारी) तर्फको रूपान्तरणलाई थप तीव्रता दिने लक्ष्य राखेको छ ।
यस कार्निभल अन्तर्गत ग्राहकहरूले विशेष लाभ प्राप्त गर्न सक्नेछन्। विशेष गरी याडिया ओविन (Yadea Owin) र याडिया इ८एस प्रो (Yadea E8S Pro) मोडेलहरूको खरिदमा ग्राहकले १५,००० रुपैयाँसम्मको एक्सचेन्ज बोनस प्राप्त गर्न सक्नेछन् ।
यसका साथै, विद्युतीय सवारी साधनलाई थप पहुँचयोग्य बनाउन मासिक ३,९९९ रुपैयाँदेखि सुरु हुने सस्तो ईएमआई (EMI) सुविधा समेत उपलब्ध गराइएको छ, जसले ग्राहकहरूलाई सहजै इलेक्ट्रिक स्कुटर रोज्न सहयोग पुर्याउनेछ ।
विश्व बजारमा लगातार ९ वर्षसम्म बिक्रीको आधारमा पहिलो स्थान कायम राख्न सफल याडियाले नेपालमा पनि उच्च प्रदर्शन गर्ने ब्रान्डको रूपमा आफ्नो पहिचान बनाएको छ ।
कुजु नेपालका अनुसार, बढ्दो इन्धनको मूल्य र वातावरणीय सचेतनाका बीच यो अभियानले ग्राहकहरूलाई किफायती र वातावरणमैत्री यातायातका साधनतर्फ आकर्षित गर्ने अपेक्षा गरिएको छ । यो अफर नेपालभर रहेका सबै याडिया शोरुमहरूमा उपलब्ध छ ।
