जनकपुरधाम- मधेस प्रदेशसभा सदस्यको निर्वाचनमा पराजित भएका उज्वलकुमार झा प्रतिनिधिसभा सदस्यमा निर्वाचित भएका छन् ।
महोत्तरी क्षेत्र नम्बर ३ मा राष्ट्रिय स्वतन्त्र पार्टीबाट उम्मेदवार बनेका झा २६ हजार ४८२ मतान्तरसहित निर्वाचित भएका छन् । उनले ३२ हजार ४५१ मत पाउँदा उनका निकटतम प्रतिद्वन्दी पूर्व गृहराज्यमन्त्री नेपाल संघीय समाजवादी पार्टीका मुहमद रिजवान ५ हजार ९६९ मत पाएका छन् ।
यस्तै, स्वतन्त्र उम्मेदवार रामआधार कापरले ४ हजार ७९०, नेपाली कांग्रेसका बजरंग नेपालीले ४ हजार ३४२, जनता समाजवादी पार्टी (जसपा), नेपालका संरक्षक एवं राष्ट्रियसभा सदस्य महन्थ ठाकुरका छोरी मिनाक्षी ठाकुरले ३ हजार ९४६ मत पाएका छन् ।
यस्तै, जसपा नेपालबाट बागी भएर स्वतन्त्र उम्मेदवार बनेका हरिनारायण यादवले ३ हजार ५३१, नेकपा एमालेका मनोजकुमार सिंहले १ हजार ५१६ मत पाएका छन् ।
रास्वपाले महोत्तरी १,२ र ३ मा जित निकालेको छ भने क्षेत्र नम्बर ४ मा बढत बनाएको हो ।
