अ
+
अ
अ
-
हुम्ला – चार वटा गाउँपालिकाको मतगणना हुँदा हुम्लामा नेपाली कांग्रेसका जयपति रोकायाले अग्रता लिएका छन्।
यसअघि पछाडि परेका रोकायाले खार्पुनाथ गाउँपालिकाको मतगणना भएपछि अग्रता लिएका हुन्। यसअघि नेकपाका उम्मेदवार दीपेन्द्र रोकायाले अग्रता लिएका थिए।
कांग्रेस उम्मेदवार रोकायाको ५ हजार ७५७ मत पाउँदा दीपेन्द्रले ५ हजार ६२८ मत पाएका छन्। उनीहरूबीच १२९ मतको अन्तर रहेको छ।
नेकपा एमालेका दलबहादुर फडेराले ३ हजार १४५ मत ल्याएका छन्। यस्तै, रास्वपाकी टासी लाजोमले १३८ मत ल्याएकी छन् भने राप्रपाका छक्क बुढाले ९६ मत प्राप्त गरेका छन्। नेकपा माओवादीका कुम्भ बुढाले १०७ र प्रलोपाका जटिल कार्कीले २३५ मत ल्याएका छन्। २४१ मत बदर भएको छ।
अब सिमकोट र नाम्खा गाउँपालिकाको मतगणना बाँकी रहेको छ। हुम्लामा ३४ हजार ३७२ मतदाता रहेकोमा २२ हजार ४६७ मत खसेको थियो।
