बुटवल- रुपन्देही निर्वाचन क्षेत्र नं. ४ मा सम्पन्न प्रतिनिधि सभा सदस्य निर्वाचनमा राष्ट्रिय स्वतन्त्र पार्टी (रास्वपा) का उम्मेदवार कन्हैया बनिया विजयी भएका छन् ।
निकटतम प्रतिस्पर्धीलाई ७ हजार ८०४ मतान्तरले पराजित वनिया विजयी भएका हुन् । प्रदेशसभा सांसदबाट राजीनामा दिएर उनी प्रतिनिधिसभा सदस्यमा उम्मेदवार बनेका थिए ।
निर्वाचन अधिकृत टोप बहादुर विष्टका अनुसार विजयी बनियाले २८ हजार ६६ गर्दा एमालेका निकटतम प्रतिद्वन्द्वी उम्मेदवार प्रमोद कुमार यादवले २० हजार २६२ मत प्राप्त गरे ।
विजयी वनियालाई प्रमाणपत्र पनि वितरण गरिएको निर्वाचन अधिकृत विष्टले जानकारी दिए । त्यस्तै, नेपाली कांग्रेसका उम्मेदवार आशुतोष मिश्रले १५ हजार ६१३ मत प्राप्त गरे ।
रुपन्देही निर्वाचन क्षेत्र नं. ४ मा कुल १ लाख १६ हजार १ सय ७२ मतदाता रहेका थिए। तीमध्ये फागुन २१ गते सम्पन्न मतदानमा ७७ हजार ३ सय ९३ जनाले मतदान गरेका थिए, जुन करिब ६६ प्रतिशतभन्दा बढी मतदान हो ।
