मोरङ – प्रतिनिधि सभा निर्वाचनअन्तर्गत मोरङमा मतगणना जारी छ। हालसम्मको गणनामा राष्ट्रिय स्वतन्त्र पार्टीले जिल्लाका सबै ६ निर्वाचन क्षेत्रमा अग्रता बताएको छ।
मोरङको क्षेत्र नम्बर १ मा राष्ट्रिय स्वतन्त्र पार्टीका उम्मेदवार यज्ञमणि न्यौपाने ८ हजार ९ सय ६३ मतसहित पहिलो स्थानमा छन्। उनलाई श्रम संस्कृति पार्टीकी शान्ति पाख्रिन लामाले ६ हजार ६ सय ५२ मतसहित पछ्याइरहेकी छन्। उक्त क्षेत्रमा नेपालीका कांग्रेसका उम्मेदवार खड्ग फागो वनेम ४ हजार ४ सय ५१ मतसहित तेस्रो स्थानमा छन्। नेकपा एमालेका घनश्याम खतिवडा भने ३ हजार १ सय २२ मतसहित चौथो स्थानमा छन्।
क्षेत्र नम्बर २ मा रास्वपाका कृष्णकुमार कार्की पहिलो स्थानमा रहेका छन्। कार्कीले ८ हजार ५ सय ७१ मतसहित पहिलो स्थानमा अग्रता बनाइरहँदा नेकपा एमालेका उम्मेदवार दिलिप अग्रवाल ३ हजार ४६ मतसहित दोस्रो स्थानमा छन्। नेपाली कांग्रेसका उम्मेदवार डा. मीनेन्द्र रिजाल भने २ हजार ७ सय २० मतसहित तेस्रो स्थानमा छन्।
क्षेत्र नम्बर ३ पनि रास्वपाका गणेश कार्की ३ हजार ७ सय ९ मतसहित पहिलो स्थानमा कायम छन्। उनलाई श्रम संस्कृतिका अमिर मगरले २ हजार ९ सय ७६ मत हासिल गर्दै पछ्याइरहेका छन्। यो क्षेत्रमा नेपाली कांग्रेसका उम्मेदवार डा. सुनिल शर्मा २ हजार ९ सय ५६ मतसहित तेस्रो स्थानमा छन्।
मोरङ क्षेत्र नम्बर ४ मा पनि राष्ट्रिय स्वतन्त्र पार्टीले अग्रता कायम राखेको छ। सन्तोष राजवंशी १९ हजार ९ सय १६ मतसहित पहिलो स्थानमा रहेका छन्। उनलाई दोस्रो स्थानमा रहेका नेपाली कम्युनिष्ट पार्टीका अमनलाल मोदीले ९ हजार १९ मतसहित पछ्याइरहेका छन्। यस क्षेत्रमा नेपाली कांग्रेसका महामन्त्री गुरुराज घिमिरे ७ हजार २ सय ९६ मतसहित तेस्रो स्थानमा छन्।
मोरङ ५ मा रास्वपाकी आशा झा ८ हजार २ सय ३४ मत हासिल गर्दै पहिलो स्थानमा रहेकी छन्। जनता समाजवादी पार्टी नेपालका राजकुमार यादव ३ हजार ३ सय ६० मत पाएर दोस्रो स्थानमा छन्। नेपाली कांग्रेसका फुलकुमार लालवानी ३ हजार ४७ मतसहित तेस्रो स्थानमा छन्।
मोरङ क्षेत्र नम्बर ६ मा रास्वपाकी रुविना आचार्यले मतान्तर फराकिलो बनाउँदै लगेकी छन्। आचार्य २६ हजार ५ सय ८५ मतसहित पहिलो स्थानमा रहेकी छन्। सो क्षेत्रमा नेपाली कांग्रेसका उम्मेदवार डा. शेखर कोइराला ७ हजार १ सय ६७ मतसहित दोस्रो स्थानमा छन्। नेकपा एमालेका उम्मेदवार विनोद ढकाल भने ४ हजार ८ सय ३१ मतसहित तेस्रो स्थानमा छन्।
