कोशी प्रादेशिक क्रिकेट संघले क्रिकेट प्रशिक्षक, पिच क्युरेटर र विकास अधिकृत पदका लागि खुला आवेदन माग गरेको छ।
प्रशिक्षक र क्युरेटर पदमा आवेदनका लागि कम्तीमा २ वर्षको अनुभव र सम्बद्ध प्रमाणपत्रको आवश्यकतामा जोड दिइएको छ।
पुष्प थापा र शिरिष उपाध्यायलाई विश्रामदिएपछि नयाँ कर्मचाऱ्यहरूको आवश्यकतामा संघले सिफारिस गरेको छ।
माेरङ – कोशी प्रादेशिक क्रिकेट संघले विभिन्न तीन पदमा कर्मचारी आवश्यक्ता खुला गरेको छ। संघका सचिव टीकाराम पुरीका अनुसार क्रिकेटका प्रशिक्षकदेखि पिच क्युरेटर र विकास अधिकृतको खुला आवेदन माग गरिएको हो।
संघका अध्यक्ष सर्वजीतराज पाण्डेले प्रदेशस्तरको क्रिकेटलाई विकास र ब्यवस्थापनलाई थप प्रभावकारी बनाउनका लागि आवेदन माग गरिएको बताएकाछन् । उनका अनुसार मान्यता प्राप्त प्रशिक्षण प्रमाणपत्र लेभल १ गरि कम्तीमा २ वर्षको प्रशिक्षण अनुभव भएकाहरुले प्रशिक्षकमा आवेदन गर्न पाउनेछन्।
त्यसैगरी, प्रदेशमा विभिन्न क्रिकेट मैदानको पिचको निर्माणदेखि रेखदेखसम्मको अभिभारा क्युरेटरले पाउने उनको भनाई छ । यसका लागि पनि कम्तीमा २ वर्षको अनुभव भएकालाई संघले प्राथमिकता दिने जनाएको छ।
अध्यक्ष पाण्डेका अनुसार क्युरेटरलाई क्रिकेट मैदान र पिचबारे जानकारी हुनुपर्नेमा संघले जोड दिएको छ । त्यसैगरि, समग्र क्रिकेटको विकासका लागि विकास अधिकारीको माग गरिएको उनले बताएका छन्।
प्रदेश क्रिकेटमा यसअघि प्रशिक्षकमा पुष्प थापा र क्युरेटरमा शिरिष उपाध्याय रहेका थिए । केहीसमय अघि प्रादेशिक क्रिकेटको बैठकबाट दुवैजनालाई तत्कालका लागि विश्रामदिने निर्णय गरिएको अध्यक्ष पाण्डेले जानकारी दिए।संघका अनुसार आवेदनआएसंगै चैत्रको दोस्रो साताबाट सर्टलिष्ट गर्नेछ ।
