अ
+
अ
अ
-
धनगढी- कैलाली क्षेत्र नम्बर ५ बाट स्वतन्त्र उम्मेदवारी दिएका ईश्वरी विष्टले राष्ट्रिय स्वतन्त्र पार्टी (रास्वपा)का उम्मेदवार आनन्द चन्दलाई समर्थन गरेका छन् । यसअघि विष्टले रास्वपामा असन्तुष्टि जनाउँदै उनले स्वतन्त्र उम्मेदवारी दिएका थिए ।
विष्टलाई आज धनगढीस्थित रास्वपाको सम्पर्क कार्यलयमा एक कार्यक्रमका बीच उम्मेदवार चन्दले स्वागत गरेका हुन् । कार्यक्रममा रास्वपाका उम्मेदवार चन्दले स्वतन्त्र उम्मेदवारी विष्टको समर्थनसँगै जित सुनिश्चित भएको बताए ।
विष्ट यस अघि राष्ट्रिय पार्टीका कैलाली क्षेत्र- ५ का सभापति थिए । उनी २०७९ सालको प्रतिनिधिसभा निर्वाचनमा कैलाली- ५ बाट उम्मेदवार बनेर सुदूरपश्चिम प्रदेशमै रास्वपाको दोस्रो बढी मत प्राप्त गर्ने उम्मेदवार थिए ।
