- भारतले वेस्टइन्डिजलाई ५ विकेटले हराउँदै उच्च रन चेज गर्दै टी-२० विश्वकपको फाइनलमा स्थान पक्का गरेको छ।
- वेस्टइन्डिजले १९५ रनको लक्ष्य दिएको खेलमा, भारतले १९.२ ओभरमा लक्ष्य पुरा गर्यो।
- सन्जु स्यामसनले ५० बलमा ९७ रन बनाउँदै भारतको जित सुनिश्चित गर्दा वेस्टइन्डिजका प्रमुख खेलाडीहरु वितृष्ण भए।
आइसीसी टी-२० विश्वकपमा आयोजक भारतले वेस्टइन्डिजलाई ५ विकेटले हराउँदै फाइनलमा स्थान पक्का गरेको छ। भारतले सेमिफाइनलमा स्थान बनाउने क्रममा आफ्नो टी-२० विश्वकप इतिहासकै उच्च रन चेजको कीर्तिमान बनायो।
वेस्टइन्डिजले दिएको १ सय ९६ रनको लक्ष्य भारतले १९.२ ओभरमा ५ विकेट गुमाएर पुरा गर्यो। भारत विश्वकपमा छैटौं पटक सेमिफाइनलमा प्रवेश गर्न सफल भएको हो। भारत बाहेक पाकिस्तान र इंग्ल्यान्डले समान ६-६ पटक सेमिफाइनलमा स्थान बनाएका छन्।
कोलकाताको इडेनगार्डेनमा टस हारेर पहिले ब्याटिङ गरेको वेस्टइन्डिजले निर्धारित २० ओभरमा ४ विकेट गुमाएर १ सय ९५ रन बनाएको थियो। उसका लागि रोस्टन चेजले ४० रन बनाउँदा ज्यासन होल्डरले ३७ रनको अविजित इनिङ खेल्दा रोभमन पावलले ३४ रनको अविजित इनिङ खेलेका थिए। त्यस्तै सिम्रन हेटमेयरले २७ रन बनाउँदा साइ होपले ३२ रन बनाए।
जवाफमा भारतले उक्त लक्ष्य ४ बल बाँकी हुँदा पुरा गर्यो। उसका लागि ओपनर सन्जु स्यामसनले ५० बलमा १२ चौका र ४ छक्काको सहयोगमा अविजित ९७ रनको इनिङ खेल्दै टिमको जित निश्चित गरे। उनी बाहेक तिलक वर्माले २७ रन बनाउँदा कप्तान सुर्यकुमार यादवले १८ रन बनाउँदा हार्दीक पाण्ड्याले १७ रन बनाए।
