अ
+
अ
अ
-
काठमाडौँ – प्रतिनिधिसभा निर्वाचनका लागि अब केही दिन मात्रै बाँकी छ। निर्वाचन आयोगका अनुसार देशभर निर्वाचनको सम्पूर्ण तयारी पूरा भइसकेको छ।
सरकारका अनुसार फागुन २१ गते हुने निर्वाचनका लागि देशभर सुरक्षा व्यवस्था मिलाइसकिएको छ। शान्तिपूर्ण रुपमा निर्वाचन सम्पन्न गर्न नेपाली सेना, नेपाल प्रहरी, सशस्त्र प्रहरी र निर्वाचन प्रहरी परिचालन गरिएको छ।
यसैबीच देशको प्रमुख प्रशासनिक मुकाम सिंहदरबारमा पनि सुरक्षा व्यवस्था कडा पारिएको छ। सिंहदरबारका सबै गेटमा नेपाली सेनाका बख्तरबन्द गाडी तैनाथ गरिएको छ।
सुरक्षा निकायका अनुसार कुनै पनि आकस्मिक अवस्था उत्पन्न भएमा छिटो ‘मुभ’ गर्न सहज होस् भन्ने उद्देश्यले गाडीहरू रणनीतिक रूपमा तैनाथ गरिएको हो।
