अ
+
अ
अ
-
काठमाडौँ– दुई समूुदायबीचको झडपपछि रौतहटमा कर्फ्यू लागेको छ।
गौर नगरपालिका ६ सपगडा क्षेत्रमा हिन्दु समुदाय र मुस्लिम समुदायबीच विवाद उग्रह भएपछि रौतहट प्रशासनले अनिश्चितकालीन कर्फ्यू लगाएको हो।
मस्जिद अगाडि विवाहको समयमा हिन्दु समुदायले गीत बजाएको विषयमा शुक्रबार विवाद भएको थियो। विवादपछि ६ बुँदे सहमति पनि भएको थियो।
तर शनिबार फेरि विवाद भए प्रहरीले हवाई फायरसमेत गर्नुपरेको थियो। दुई पक्षबीच झडपको अवस्था सृजना भएपछि अनिश्चितकालका लागि कर्फ्यू आदेश जारी भएको रौतहटका प्रमुख जिल्ला अधिकारी दिनेश सागर भुसालले जानकारी दिए।
शनिबार बिहान दुई समुदायबीच झडप हुँदा केही घाइते भएका छन् भने एउटा गाडीमा आगजनीसमेत भएको छ।
