अ
+
अ
अ
-
काठमाडौँ – आईसीसी टी-२० विश्वकपअन्तर्गत आफ्नो दोस्रो खेलमा नेपालले इटालीविरुद्ध टस हारेर पहिले ब्याटिङ गर्ने भएको छ।
दुई एसोसिएटेड टोलीबीचको खेलमा इटालीले टस जितेर पहिले फिल्डिङ गर्ने निर्णय गरेसँगै नेपालले पहिले ब्याटिङ गर्ने भएको हो।
मुम्बईको वाङ्खडे मैदानमा केही समयपछि सुरु हुने खेलमा नेपालले आज आफ्नो प्लेइङ ११ मा इंग्ल्यान्डविरुद्धको प्लेइङ ११ मा एक परिवर्तन गरेको छ। जहाँ शेर मल्लको स्थानमा ललित राजवंशीलाइ समेटेको छ।
यो समूह ‘सी’ अन्तर्गत नेपालको दोस्रो खेल हो। दुबै टोली पहिलो जितका लागि मैदानमा उत्रिँदै छन्। आफ्नो पहिलो खेलमा नेपाल इंग्ल्यान्डसँग तथा इटाली स्कटल्यान्डसँग पराजित भएको थियो।
