नेपालगन्ज – नेपाली कांग्रेस र एमालेबाट राष्ट्रिय सभामा उम्मेदवार बनेका तीन जनाले बाँके र बर्दिया जिल्लाका मतदातासँग भेटघाट गरेका छन्।
एमालेका रामकुमारी झाँक्री र काग्रेसका चन्द्रबहादुर केसी र बासुदेव जंगलीको टीमले नेपालगन्जमा आएर बाँके र बर्दियाका जनप्रतिनिधिसँग भेटघाट गरेको हो।
लुम्बिनी प्रदेशमा यी दुई पार्टीबाट तीन जनाको उम्मेदवारी पर्दा जसपा नेपालसहितको गठबन्धन रहेको छ ।
काँग्रेस, बाँकेको पार्टी कार्यालयमा उम्मेदवारलाई राखेर तिनै पार्टीका नेताले उनीहरुलाई जिताउन जनप्रतिनिधिलाई निर्देशन दिएका छन् ।
काँग्रेसका कार्यवाहक सभापति गोपाल अधिकारी, एमालेका अध्यक्ष निरक गुरुङ र जसपा नेपालका केन्द्रीय सचिव कमरुद्दिन राईले गठबन्धनलाई जिताएर जानु पर्ने बताए ।
लुम्बिनी प्रदेशमा प्रदेश सभा सदस्य ८७ जना र स्थानीय तहका प्रमुख तथा उपप्रमुख २१७ जना गरि ३०४ जना मतदाता छन् । माघ ११ गते चुनाव हुँदैछ ।
