अ
+
अ
अ
-
नेपालगन्ज – प्रतिनिधि सभा निर्वाचनका लागि बाँके एमालेमा दुई क्षेत्रमा एकल र एउटा क्षेत्रबाट तीन जनाको नाम सिफारिस गरेको छ।
आज बसेको तीन वटै क्षेत्रको क्षेत्रीय कमिटीले फाल्गुन २१ गते हुने उम्मेदबारको नाम सिफारिस गरेको हो।
क्षेत्र नम्बर १ बाट पार्टीका केन्द्रीय सदस्य सूर्य ढकाल, क्षेत्र नम्बर ३ बाट संविधान सभा सदस्य दलबहादुर सुनारको नाम एकल सिफारिस भएको छ। क्षेत्र नम्बर २ बाट पार्टी अध्यक्ष निरक गुरुङ, कृष्णप्रसाद श्रेष्ठ र अछरी पोखरेलको नाम सिफारिस भएको छ।
क्षेत्रले पठाएको नाम जिल्ला हुँदै प्रदेश र केन्द्रमा जाने छ। क्षेत्र नम्बर १ का ढकाल विघटित प्रतिनिधि सभाका सदस्य हुन्। धेरै जनाले रुचि देखाए पनि तीन जनासम्मको नाम पठाउन भनिएकाले ३ नम्बरबाट तीन जनालाई समेटिएको र अन्यत्रबाट एकल नाम सिफारिस भएको पार्टी उपाध्यक्ष रत्न खत्रीले बताए।
