- हार्दिक आइभिएफ एण्ड फर्टिलिटी सेन्टरले निःसन्तान दम्पतीहरूलाई लक्षित गरी २ देखि ३० पौषसम्म निःशुल्क आईयूआई क्याम्प सञ्चालन गर्नेछ।
- क्याम्पले आर्थिक सहयोग प्रदान गरी सन्तान प्राप्ति यात्रा सहज बनाउने उद्देश्य राखेको र जुनसुकै स्थानबाट सहभागी भइनसकिने जनाएको छ।
- निःसन्तानतालाई भावनात्मक यात्राका रूपमा बुझ्दै, हार्दिक आइभिएफले दम्पतीहरूलाई अभिभावक बन्ने अवसर प्रदान गर्ने लक्ष्य राखेको छ।
काठमाडौँ- नेपालभरिका निःसन्तान दम्पतीहरूलाई लक्षित गर्दै हार्दिक आइभिएफ एण्ड फर्टिलिटी सेन्टरले पौष २ गतेदेखि पौष ३० गतेसम्म निःशुल्क आईयूआई (इन्ट्रायुटेरिन इन्सेमिनेशन) क्याम्प सञ्चालन गर्ने घोषणा गरेको छ।
निःसन्तान उपचारको बढ्दो खर्चका कारण धेरै दम्पतीहरू उपचारबाट वञ्चित भइरहेका बेला, यस निःशुल्क क्याम्पमार्फत आर्थिक सहयोग प्रदान गर्दै सन्तान प्राप्तिको यात्रालाई सहज बनाउने उद्देश्य रहेको हार्दिक आइभिएफले जनाएको छ। क्याम्पमा नेपालका जुनसुकै स्थानबाट आएका दम्पतीहरूले सहभागी भई सेवा लिन सक्नेछन्।
हार्दिक आइभिएफका अनुसार यसअघि सञ्चालन गरिएका निःशुल्क आईयूआई क्याम्पहरू सफल रहँदै आएका छन्। अघिल्ला क्याम्पहरूमा सहभागी धेरै दम्पतीहरूले गर्भधारणमा सफलता पाइसकेका छन् भने केही दम्पतीहरूले स्वस्थ शिशुको जन्म समेत गरिसकेका छन्। ती सफलताका कथाहरू अहिले पनि निःसन्तान दम्पतीहरूका लागि आशा र प्रेरणाको स्रोत बनेका छन्।
यो निःशुल्क आईयूआई क्याम्प विशेषगरी पुरुषतर्फको समस्या, अस्पष्ट बाँझोपन, ओभुलेशन (डिम्ब निस्कने) समस्या, हल्का एन्डोमेट्रियोसिस, सर्वाइकल म्युकस सम्बन्धी समस्या तथा यौन–सम्पर्कमा कठिनाइ भएका दम्पतीहरूका लागि प्रभावकारी उपचार विकल्प मानिन्छ। क्याम्प अवधिभर अनुभवी विशेषज्ञ डाक्टरहरूको प्रत्यक्ष परामर्श, आवश्यक जाँच तथा मार्गदर्शन प्रदान गरिनेछ।
हार्दिक आइभिएफ टिमले निःसन्तानतालाई केवल स्वास्थ्य समस्या मात्र नभई भावनात्मक यात्राका रूपमा बुझ्दै आर्थिक र मानसिक बोझ कम गरी दम्पतीहरूलाई अभिभावक बन्ने अवसर प्रदान गर्नु संस्थाको मुख्य लक्ष्य रहेको स्पष्ट पारेको छ।
सन्तान प्राप्तिको आशामा बसेका दम्पतीहरूलाई यो सीमित अवधिको अवसरको सदुपयोग गर्न हार्दिक आइभिएफले आग्रह गरेको छ। क्याम्पमा सहभागी हुन चाहने दम्पतीहरूले समयमै परामर्शका लागि सम्पर्क गर्न संस्थाले अनुरोध गरेको छ।
