अ
+
अ
अ
-
काठमाडौँ – नेपाल प्रमियर लिग (एनपिएल) को दोस्रो संस्करणको फाइनलमा सुदूरपश्चिम रोयल्सले उपाधिका लागि लुम्बिनीसमक्ष ८६ रनको कमजोर लक्ष्य प्रस्तुत गरेको छ।
लुम्बिनीका बलर सामु निरीह बनेको सुदूरपश्चिम ५ बल बाँकी हुँदै ८५ रनमा अलआउट भयो।
लुम्बिनीको कसिलो बलिङमा कप्तान रोहित पौडेलले ह्याट्रिक विकेट लिँदा शेर मल्ल र रुवेन ट्रम्पलमेनले ३-३ विकेट लिएका थिए। त्यस्तै, तिलक भण्डारीले १ विकेट हात पारे।
सुदूरपश्चिमका लागि इशान पाण्डेले ३३ रन बनाउनु सर्वाधिक रह्यो। उनीबाहेक कप्तान दिपेन्द्र सिंह ऐरीले १३ रन बनाउँदा हर्मित सिंह र स्कट कुगलिङ्गको १०-१० रन थप दोहोरो स्कोरका रुपमा रह्यो।
अन्य कुनै पनि खेलाडीले दोहोरो स्कोरमा रन बनाएनन्।
