अ
+
अ
अ
-
जनकपुरधाम – सर्वोच्च अदालतले गौर हत्याकाण्डको छानबिन गर्न परमादेश दिएपछि मधेस प्रदेशका जिल्लाहरुमा विरोध प्रदर्शन भएको छ।
जनता समाजवादी पार्टी, नेपालका नेता तथा कार्यकर्ताहरुले सर्वोच्चको परमादेशविरुद्ध विरोध प्रदर्शन गरेका हुन्।
धनुषा, सिरहा, सप्तरीलगायत मधेस प्रदेशका जिल्लाहरुमा जसपा नेपालका नेता कार्यकर्ताहरुले विरोध प्रदर्शन गरेका छन्।
जनकपुरधाममा समाजवादी युवा संघ नेपालको नेतृत्वमा मशाल जुलुस निकालिएको छ। रामानन्द चौकमा केहीबेर बाटो अवरुद्ध गरेर जसपा नेपालका नेता तथा कार्यकर्ताहरुले विरोध प्रदर्शन गरे।
भूमि विधेयकको बार्गेनिङका लागि सर्वोच्चको परमादेश आएको आरोप लगाउँदै उनीहरुले सरकारी जालझेलबाट जसपा नेपाल नडराउने बताएका छन्।
