अ
+
अ
अ
-
काठमाडाैँ – प्रतिनिधसभाका लागि एक मात्र निर्वाचन क्षेत्र रहेकाे प्युठानमा नेकपा एमालेका उम्मेदवार सूर्य थापाकाे जित सुनिश्चित भएकाे छ ।
सत्ता गठबन्धनकाे तर्फबाट राष्ट्रिय जनमाेर्चाकी दुर्गा पाैडेलसँग मुख्य प्रतिष्पर्धामा रहेका थापाले अब गन्न बाँकी रहेकाे मतभन्दा धेरै मतान्तर कायम गरी आफ्नाे जित सुनिश्चित गरेका हुन् ।
ताजा मतपरिणाम अनुसार थापाले ३८ हजार ८९४ मत प्राप्त गरेका छन् भने उनकी प्रतिष्पर्धी राजमाेकी पाैडेलले ३३ हजार ६६१ मत प्राप्त गरेकी छन् ।
उनीहरूबीच ५ हजार २३३ मतान्तर रहेकाे छ भने अब गन्न बाँकी मत ५ हजार २७ रहेकाे छ ।
जित सुनिश्चित गरेका थापा नेकपा एमालेका पाेलिटब्यूराे सदस्य तथा प्युठान इन्चार्ज हुन् भने पाैडेल राजमाे उपाध्यक्ष हुन् ।
यता, प्रदेशसभातर्फ दुई निर्वाचन क्षेत्र रहेकाे प्युठानकाे मतगणना जारी छ ।
