काठमाडौँ – आइएमई रेमिट विप्रेषणतर्फ सबैभन्दा धेरै आयकर तिर्ने कम्पनीका रूपमा सम्मानित भएको छ।
आन्तरिक राजस्व विभागद्वारा बिहीबार आयोजित एक समारोहबीच अर्थ मन्त्रालयका राजश्व सचिव रामशरण पुडासैनीले आइएमई ग्रुपका अध्यक्ष चन्द्रप्रसाद ढकाललाई उक्त सम्मान प्रदान गरेका हुन्।
आन्तरिक राजस्व विभागले कर दिवसका अवसरमा मंसिरमा सबैभन्दा बढी कर तिर्ने १५ करदातालाई सम्मान गरेकामा यो सूचीमा आइएमई विप्रेषण क्षेत्रमा पहिलो कम्पनीमा पर्न सफल भएको हो।
यसअघि यस आइएमईलाई लगातार तीन पटकसम्म नेपाल सरकारले सम्मान प्रदान गरिसकेको छ।
नवौँ राष्ट्रिय कर दिवसका अवसरमा आइएमईसहित ती कम्पनीलाई सम्मान प्रदान गरिएको हो।
आइएमईका अनुसार विदेशबाट बैंकिङ च्यानलमार्फत नेपालमा विप्रेषण भित्र्याउने नेपालको पहिलो कम्पनी हो।
नेपालको रेमिट्यान्स क्षेत्रको यो अगुवा संस्थाका कारण वैदेशिक रोजगारीमा गएका लाखौँ नेपालीलाई आफ्नो घरमा पैसा पठाउन सजिलो भएको छ।
