काठमाडौँ- सन्दीप लामिछानेले कप्तानी गरेको काठमाडौँ मेयर्स-११ लाई ७ विकेटले पराजित गर्दै शसस्त्र प्रहरी बल-एपीएफ क्लब मेयर्स कप क्रिकेट प्रतियोगिताको फाइनलमा पुगेको छ।
मुलपानी क्रिकेट मैदानमा बिहीबार भएको खेलमा एपीएफलाई महत्वपूर्ण जित दिलाउन शरद भेषावकर र सन्दीप जोराले अर्धसतक बनाउनुका साथै सतकीय साझेदारी पनि गरे।
शरद ६१ र सन्दीप ६२ रनमा अविजित रहे। उनिहरुले चौथो विकेटका लागि एक सय १९ रनको साझेदारी गरेका थिए। त्यसअघि पहिला ब्याटिङ गरेको काठमाडौँ मेयर्स-११ ले ४८.५ ओभरमा सबै विकेट गुमाएर एक सय ७७ रन जोड्यो।
एपीएफका अविनाश बोहरा र कमल ऐरीले तीन तीन विकेट लिए। काठमाडौँ मेयर्स-११ का लागि सन्दीप रजालीले ४८, हरिशंकर शाहले ३६ र विक्रम भुसालले २० रन बनाए। एपीएफले १३ ओभरमा २ विकेट गुमाएर ४९ रन जोडेको छ।
एपीएफले उपाधिका लागि नेपाल पुलिस क्लबको सामना गर्ने छ। चार खेलपछि यी दुवै टोलीले समान ६ अंक जोडेर शीर्ष दुई स्थानमा रहेका हुन्।
