त्यसैले म विदेश आएको छु

डोकोभरीको ममताको भारी बिसाउँदै 

आमा, म विदेश आएको  छु 

सहारा घरबारी थ्यो मेरो जिम्मेवारी 

बुवा, म विदेश आएको छु 

रसाएर आँखाभरी साथको आभास हुँदा

प्रिय, म विदेश आएको छु 

आफैँले सप्तरंगी भाग्य कोर्न 

बहिनी, म विदेश आएको छु 

पिलपिले घडीको रहर मेट्न 

भाइ, म विदेश आएको छु 

अतीतका पलहरु झलझली सम्झन 

साथी, म विदेश आएको छु 

ऋणको बाल्यकाल बित्दा ब्याज तिर्न 

माटो, म विदेश आएको छु 

सबैका इच्छा रोप्दै बाली उठाउन 

त्यसैले, म विदेश आएको छु