विश्व हिन्दू परिषदका पूर्व अध्यक्ष विष्णु हरि डालमियाको निधन

विश्व हिन्दू परिषदका पूर्व अध्यक्ष विष्णु हरि डालमियाको निधन भएको छ । रामजन्म भूमि आन्दोलनका अगुवा नेता मध्येका एक रहेका डालमियाको बुधबार बिहान निधन भएको भारतीय सञ्चार माध्यमहरुले उल्लेख गरेका छन् ।

९१ वर्षको उनी लामो समयदेखि बिरामी थिए । विश्व हिन्दू परिषदका प्रवक्ता विनोद बँसलका अनुसार डालमियाको पार्थिव शरीर दिउँसो ३ बजेसम्म उनको दिल्ली स्थित निवासमा राखिनेछ । त्यसपछि दिल्लीकै निगमबोध घाटमा उनको अन्मित संस्कार गरिनेछ ।