अ
+
अ
अ
-
जनकपुरधाम- प्रदेश २ का मुख्यमन्त्री कार्यालयको वेवसाइट सार्वजनिक गरिएको छ। प्रदेश २ का मुख्यमन्त्री लालबाबु राउत गद्दीले उक्त वेवसाइट सार्वजनिक गरेका छन्।
मुख्यमन्त्रीको प्रत्येक दिनको कार्यक्रम, विभिन्न मन्त्रीहरूका कार्ययोजना सर्वसाधारणहरूले सहज रूपमा जान्न पाऊन् भन्ने उद्देश्यका साथ वेवसाइट सार्वजनिक गरिएको मुख्यमन्त्री राउतले बताए।
मन्त्रीले कतिपय सर्वसाधारणहरू टाढाबाट आएर यहाँ कुरेर बस्नुपर्ने बाध्यतालाई मध्यनजर गर्दै वेवसाइटबाट राजनीतिक दल, सर्वसाधारण, पत्रकारलगायतका व्यक्तिहरूसँग भेटघाट तथा सल्लाह सुझावका लागि सहज हुने बताएका छन्।
सोमवार साँझ सार्वजनिक गरिएको मुख्यमन्त्री कार्यालयको अधिकारिक वेवसाइट www.Province2gov.com मा हेर्न सकिन्छ।
