अ
+
अ
अ
-
पोखरा – प्रदेश नम्बर ४ का सभामुख नेत्रनाथ अधिकारले संघीय शासन प्रणालीलाई सफल बनाउन कर्मचारीतन्त्रको महत्पूर्ण भूमिका हुने भएकाले सबैले आफ्नो जिम्मेवारी अनुसार काम गर्नु पर्ने बताएका छन् ।
प्रदेशसभा सचिवालयका कर्मचारी र पत्रकार लागि पोखरामा आयोजित अभिमुखिकरणमा अधिकारीले नयाँ राज्य व्यवस्थाको यो क्षणमा थुप्रै चुनौती भएकाले जनप्रतिनिधि र कर्मचारीबिच सहकार्यले संघीयता प्रभावकारी कार्यान्वयन मार्फत समृद्धि हासिल गर्न सकिने बताए ।
उनले भने ‘संघीयता कार्यान्वयन हाम्रो नयाँ अभ्यास हो । सिक्नु र गर्नु पर्ने धेरै कुरा छन् । सबैको साथ चाहिन्छ ।’
अधिकारीले प्रदेशको सम्बृद्धिकालागि पत्रकार जगतले सकारात्मक भुमिका खेल्नु पर्ने बताए । उनले नकारात्मक कुरा तिर भन्दा सकारात्मक कुरामा अलि बढी चासो राखेर जनतालाई सन्देश प्रवाह गर्न आग्रह गरे ।
