अ
+
अ
अ
-
धनगढी- बाक्लो हुस्सुका कारण नेपालगञ्ज र धनगढीमा उडान नहुँदा प्रदेश नम्बर ७ का प्रमुख मोहनराज मल्ल शनिबार सात नम्बर प्रदेशको कार्य संचालन केन्द्र धनगढी पुग्न सकेनन्।
कैलालीका प्रमुख जिल्ला अधिकारी गोबिन्द रिजालले मल्ल काठमाडौंबाट गाडीमा धनगढी आईरहेको जानकारी दिए।
रिजालका अनुसार मल्ल आईतबार बिहानसम्म धनगढी पुग्ने छन्।
मल्ल धनगढी नपुग्दै प्रदेश प्रमुखको सरकारी निवासमा सुरक्षाका लागि नेपाली सेना तैनाथ भएको छ।
प्रदेश प्रमुखको निवासमा सुरक्षाका लागि खटिएका सेनाहरु
क्षेत्रीय वन कार्यालयका प्रमुखको निवास रहेको भवनमा प्रदेश प्रमुखको निवास बनाउने निर्णय भएपछि उक्त भवनको सुरक्षाका लागि सेना परिचालन गरिएको हो ।
सेनाले भवनको सरसफाइ पछि नेपालको राष्ट्रिय झन्डा फहराएको छ।
