अ
+
अ
अ
-
काठमाडौँ- प्रदेश प्रमुखहरुको शीतल निवासमा आयोजना भएको शपथ समारोहमा निजी सञ्चार माध्यममा फोटो पत्रकारहरुलाई तस्बिर खिच्न दिइएको छैन।
राष्ट्रपति कार्यालय शीतल निवासमा उनीहरुलाई प्रवेश दिइए पनि शपथ ग्रहण स्थलसम्म जान दिइएन। ‘हामीलाई राष्ट्रपति कार्यालयमा अपमानपूर्ण व्यवहार गरियो, फोटो खिच्न नदिने थियो भने किन भित्र छिराउनु?’ फोटो खिच्न प्रतिबन्ध लगाइएका एक फोटो पत्रकारले देशसञ्चारसँग भने।
शपथ ग्रहण समारोहमा सरकारी सञ्चारमाध्यमका फोटो पत्रकारहरुलाई मात्र तस्बिर खिच्ने अनुमति दिइएको छ। त्यहाँ पुगेका फोटो पत्रकारहरुले राष्ट्रपति कार्यालयका तस्बिर अबदेखि नखिच्ने भन्दै बहिष्कारसमेत गरेका छन्।
