सुर्खेत- माघ १५ गतेदेखि सुर्खेतमा हुने भनिएको प्रदेश ६ स्तरीय टी–ट्वान्टी क्रिकेट प्रतियोगिता सरेको छ। जिल्ला क्रिकेट संघ सुर्खेतको आयोजनामा माघ १५ देखी २२ गतेसम्म हुने प्रतियोगिता आगामी फागुन ७ गतेका लागि सरेको हो।
क्रिकेट प्रतियोगिताका लागि खेल मैदानको तयारी नपुगेकाले प्रतियोगिता सारिएको जिल्ला क्रिकेट संघ सुर्खेतका अध्यक्ष श्रीधर केशीले बताए।
उनले सात दिनसम्म सञ्चालन हुने प्रतियोगितामा प्रदेश ६ का सल्यान, रुकुम, जाजरकोट, डोल्पा र सुर्खेतका खेलाडीहरु सहभागिता जनाउने भएका छन्।
प्रदेशमा नेपाल क्रिकेट सघ क्यानबाट सुर्खेत जिल्लाले मात्र मान्यता पाएकाले प्रदेश ६ अन्तर्गतका जिल्लाहरुमा क्रिकेट विकासको लागि सुर्खेतमा प्रतियोगिता सञ्चालन गर्न लागिएको हो। प्रतियोगितामा लिगको आधारमा खेलाइने छ। उक्त प्रतियोगितामा करिव चार लाख खर्च लाग्ने अनुमान आयोजकले गरेको छ।
