अ
+
अ
अ
-
काठमाडौं- आईसिसी वर्ल्ड क्रिकेट लिग च्याम्पियनसीप अन्तर्गत सातौं चरणको दोस्रो खेलमा युएईका अदनान मुफ्टीले सातौं नम्बरमा आएर शतक बनाएका छन्।
मुफ्टीको उत्कृष्ट पालीपछि युएईले ४८ ओभरमा आठ विकेट गुमाएर एक सय ८७ रन जोडेको छ ।
मुफ्टीले एक सय चार बनाए । उनले छैटौं विकेटका लागि ८० र सातौं विकेटका लागि २१ र आठौं विकेटका लागि ४७ रनको साझेदारी गरेका थिए ।
मुफ्टी क्रिजमा जानुअघि युएईले पाँच विकेट गुमाएर ३९ रन जोडेको थियो । अदनानले ८९ बलमा तीन छक्का र आठ चौका प्रहार गरे ।
बलिंगतर्फ नेपालका सोमपाल कामीले पाँच तथा सागर पुन, सन्दिप लामिछाने र पारस खड्काले एक एक विकेट हात पारे ।
यसअघि यी दुई टोलीबीच बुधबार भएको पहिलो खेलमा युएई विजयी भएको थियो ।
