कमेडियन मुनव्वर फारुकीविरुद्ध विश्व हिन्दू परिषद, कार्यक्रम रद्द नगरिए प्रदर्शन गर्ने चेतावनी

Copy to clipboard
Copied!

विश्व हिन्दू परिषदले स्ट्याण्डअप कमेडियन मुनव्वर फारुकीको कार्यक्रम रद्द गराउनका लागि दिल्लीका प्रहरी आयुक्तलाई पत्र लेखेको छ ।

दिल्लीको सिविक सेन्टरमा अगस्ट २८ मा मुनव्वर फारुकीको हाँस्यव्यंग्य सम्बन्धी कार्यक्रम हुँदैछ। सोही कार्यक्रम बन्द गराउनका लागि विश्व हिन्दू परिषद लागि परेको हो । परिषदले प्रहरी समक्ष बुझाएको पत्रमा सो कार्यक्रम रद्द गर्न माग गरिएको छ ।

फारुकले आफ्नो कार्यक्रमको क्रममा हिन्दू देवी–देवताको मजाक उडाउने आरोप लगाइएको छ । उनको एक कार्यक्रमपछि हैदराबादमा साम्प्रदायिक तनाव भड्किएको आरोप समेत दाबी पत्रमा गरिएको छ ।

पत्रमा लेखिएको छ, ‘मेरो निवेदन छ कि यो कार्यक्रम तत्काल रद्द गरियोस्, नत्र विश्व हिन्दू परिषद र बजरंग दलका कार्यकर्ता शो को विरोधसहित प्रदर्शन गर्ने छन्।’

द इन्डियन एक्सप्रेसले आफ्नो एक रिपोर्टमा प्रहरीलाई उद्धृत गर्दै हालसम्म उजुरी प्राप्त नभएको जनाएको छ । फारुकीको समूहले पनि पत्रबारे हालसम्म जानकारी नभएको र कार्यक्रम रद्द गर्ने सम्बन्धी कुनै जानकारी नरहेको बताएको छ ।

भदौ १०, २०७९ मा प्रकाशित
प्रतिक्रिया दिनुहोस्