डडेल्धुरामा मलामी गएका एक जना सेतीमा बगेर बेपत्ता

सेती नदी। फाइल तस्बिर
Copy to clipboard
Copied!

धनगढी – डडेल्धुरामा मलामी गएका एक जना सेती नदीमा बगेर बेपत्ता भएका छन्।

अमरगढी नगरपालिका वडा नम्बर ९ पनौलीका ५० वर्षीय चेतबहादुर साउँद डोटीको शिखर नगरपालिका वडा नम्बर १० स्थित सेती नदीमा बेपत्ता भएका हुन्।

बेपत्ता साउदको खोजी कार्य जारी रहेको जिल्ला प्रहरी कार्यालय डडेल्धुराका प्रहरी नायब उपरीक्षक मनोहरप्रसाद भट्टले बताए। अहिले त्यहाँ सशस्त्रको टोली खटिएको छ।

उनी अमरगढी नगरपालिका वडा नम्बर १० मा रहेको सहश्रलिंग माविमा कार्यरत लेखापाल भक्तबहादुर साउदको मलामी गएका थिए। लेखापाल साउदको आज विद्यालयमै मृत्यु भएको थियो।

भदौ ८, २०७९ मा प्रकाशित
प्रतिक्रिया दिनुहोस्